ஒரு தனியன் தன் ஆசைப்படுபொருளை இழந்தவுடன் , அதனை ஈடு செய்யக்கூடிய ஒரு பதிலி கண்ணுக்கெட்டிய தூரத்தில் ஏதும் தென்படாவிட்டால் ....என்ன செய்வான் ?
தன்னைத் தானே துன்புறுத்தி இன்பங்காணுபவர் தன் அரசியல் போராட்டங்களில், மனப்
பதட்டத்தை உருவாக்குதல் என்பதை பிரதானமான ஆயுதமாகப் பயன்படுத்துவதிலிருந்து இது தெளிவாகிறது
காவிரிப் பிரச்சினை தமிழகத்தில்
மேலாண்மை செலுத்திக் கொண்டிருந்த நேரத்தில் , மோடி கள்ளப் பணத்தை ஒழிப்பேன் என்று
வரிந்து கட்டிக்கொண்டு 1000 , 500 ரூபாய் நோட்டுக்களை செல்லாது என்று
அறிவித்துவிட்டார்.
புதிய பணத்திற்காக
பழைய ரூபாய் நோட்டுக்களை மாற்றுவது குதிரைக் கொம்பாயிற்று நடைமுறையில்.
அன்றாடங்காய்ச்சிகள்
வேலைக்குச் செல்வதற்குப் பதில் இருக்கும் பழைய நோட்டை மாற்ற ஏ.டி.எம் , பேங்க்
வாசலில் தினமும் இரவு பகலாக கிடக்க வைக்கப்பட்டனர். பெண்கள் கைக் குழந்தைகளுடன் நின்றனர்.
பச்சத்தண்ணீருக்குக் கூட அரசு ஏற்பாடு செய்யவில்லை . உடல் துன்பத்துடனும்
மனப்பதட்டத்துடனும் தெருவோரம் வீசி எறியப்பட மக்களுக்கு தவித்த வாய்க்கு தண்ணீர்
கூட ஏற்பாடு பண்ணவில்லை இந்த அரசு இயந்திரம் .
‘
தயை ‘ என்பதற்கு இந்த இயந்திரத்திற்கு அர்த்தம் தெரியாது.
இது ஒருபுறம்
; மற்றொருபுறம் வாடிய பயிரைக் கண்டவுடன் , எதிர்காலம் இருண்டு காட்சி அளிப்பதால் ,
அன்றாடம் விவசாயிகளின் தற்கொலை எண்ணப்படலாயிற்று . அரசியல் கட்சிகள் ஈடு
கேட்டுக்கொண்டிருக்கின்றன. அத்தோடு மௌன ராகம் வாசிக்கின்றனர் .
தற்கொலையை , இந்த அமைப்பை எதிர்த்த
தனிமனித போராட்டமாக உணர்ந்த மாதிரி தெரியவில்லை.
மக்கள்திரள் போராட்டங்கள் நடைபெறாதபோது
இம்மாதிரியான தற்கொலை நடவடிக்கைகள் தவிர்க்க இயலாதவையாகும் .
[
போராட்டங்களானது , தொலைக் காட்சிகளில் தலைவர்களின் ‘ காத்திரமான ‘ பேட்டிகளாக மட்டும்
உள்ளன].
அங்கு தவித்த வாய்க்குத் தண்ணீர் தராத
அரசு இயந்திரம் ; விவசாயிகளின் ”தற்கொலையை “ தடுக்க எந்த அவசரச் சட்டமும் / திட்டமும்
இல்லாமல் மௌன சாமியாய் உள்ளனர். இம்மாதிரி தற்கொலை , தன் உடலை தானே அழிப்பது ,
இந்தச் சமூகச் சூழலை எதிர்த்த தனி மனித போராட்டமாகும் ; கையறு நிலை , அவநம்பிக்கை
/ உயிர் வாழ்வதற்கான தூண்டல் ஏதுமில்லை இங்கு. கிராமங்களுக்குச் சென்று நம்பிக்கை
இழந்த விவசாயிகளிடம் நம்பிக்கை ஊட்ட , வாழும் பிற வழிகளைக் காட்ட எந்த அரசு
அமைப்பும் இல்லை , கொள்கைகளும் இல்லை. நெறி அற்ற அரசு / தயை அற்ற அரசு.
க.செ
1-1-2017
மன
அலசல் ஆய்வு தற்கொலையின் பன்முகக் குணாம்சத்தை ஆய்வு செய்துள்ளது . லெக்கானிய
பார்வையின் ஒரு சுருக்கப்பட்ட கட்டுரை இப்போது :
MASOCHISM IN
POLITICAL BEHAVIOUR : A
LACANIAN PERSPECTIVE
-FILIP
KOVECEVIC
தன்னைத் தானே துன்புறித்து இன்புறுபவர் ( masochist )
.......தன்னைத்
தானே துன்புறுத்தி இன்புறுபவர் ( masochist ) தன்னளவில் உடல் துன்பத்திற்கும் ,
துயரங்களுக்கும் ஆட்படுத்திக் கொள்பவர் ஆவார் . இதற்கு , அவரின் உள்ளார்ந்த
உளவியல் நிர்ப்பந்தம் காரணமல்ல ; [ பிராய்ட் ( இந்த நிர்ப்பந்தத்தை ) நனவிலிக்
குற்றவுணர்வு , தண்டனைக்கான தேவை என்கிறார் ] .
மாறாக , தனக்குத் தானே ஏற்படுத்திக்
கொண்ட உடல் வேதனை , துயரங்கள் மூலம் , மற்றமையை ( Other )
செயல்படத் தூண்டுவதற்கான , அவர்களின் உறவை மறுவரை செய்வதற்கான ஒரு வழி இருப்பதைக்
கண்டுகொண்டதால்தான் அவர் இச்செயலில் ஈடுபடுகிறார். தன்னைத் தானே துன்புறுத்தி
இன்புறுவர் , மற்றமையின் ( Other ) உணர்வை ஆட்டங்காணச்
செய்கின்ற ஒரு காட்சியை உருவாக்குகிறார் ; அதன் மூலம் அவர்களின்
உறவை தெளிவாக வழிநடத்தக்கூடிய விதிகளை வகுக்குமாறு அவன்-அவளை நிர்ப்பந்திக்கிறார் என்கிறார் லெக்கான் (Van Haute 2002 )
தன்னைத் தானே துன்புறுத்தி இன்பங்காணுபவர் தன்
அரசியல் போராட்டங்களில், மனப் பதட்டத்தை உருவாக்குதல் என்பதை பிரதானமான ஆயுதமாகப்
பயன்படுத்துவதிலிருந்து இது தெளிவாகிறது.
துன்பத்தை ஏற்றுக்கொள்ளும் தன்மை ( passivity ) மேலாக போர்த்திக் கொண்டுள்ள ஒரு முகமூடி
மட்டுமே. ஏனெனில், இந்த முகமூடிக்குப் பின்னால் தன்னைத் தானே துன்புறுத்தி
இன்புறுபவர் ஒளிந்து கொண்டிருகிறார். அவர் மற்றமையைக் ( Other ) கட்டுப்படுத்தி , வழிநடத்த முயற்சிக்கின்றார் என்கிறார்கள்
ரெய்க் , லெக்கான் ( Reik ,Lacan ) .
ஆக , தன்னைத் தானே துன்புறுத்தி இன்புறுபவரின் பிரதான நோக்கம் மகிழ்வு அல்ல
; உடல் துன்பத்தில் மகிழ்வுறுதலும் அல்ல ; மாறாக , ஒரு வகை அதிகாரத்தை
நிலைநிறுத்துவதே அவரின் நோக்கமாக உள்ளது என்று இப்போது விளங்கிவிடுகிறது.
தன்னைத் தானே துன்புறுத்தி இன்புறுகிற
நடவடிக்கையானது உண்மையில் மற்றமையிலிருந்து ( Other ) தன்னிலை தனியாகப் பிரிந்து செல்வதற்கான
நடவடிக்கையாகும். அதாவது , மற்றமையின் மேலாண்மையிலிருந்து தன்னைத் தானே
விடுவித்துக் கொள்வதற்கு ஒரு தன்னிலை மேற்கொள்ளும் முயற்சி என்கிறார் லக்கான்.
தன்னைத் தானே துன்புறுத்தி இன்புறுவது
என்பது சுயத்தைக் கட்டமைப்பதாகும்., சுயத்திலிருந்து விலகுவதல்ல ( the construction and not the dissolution of the
self ) ; ஒரு தன்னிலையானது , தன்னின் சொந்த
அடையாளத்தை உருவாக்கிக் கொள்வதற்கான , மற்றமையின் கட்டுப்பாட்டிலிருந்து முழுமையாக
விடுவித்துக் கொள்வதற்கான முயற்சியாகும் அது.
தன்னைத் தானே துன்புறுத்தி இன்பங்காணுபவர் தன் அரசியல் போராட்டங்களில், மனப்
பதட்டத்தை உருவாக்குதல் என்பதை பிரதானமான ஆயுதமாகப் பயன்படுத்துவதிலிருந்து இது தெளிவாகிறது
இந்நிலையில், மற்றமையால் ( Other ) ஒடுக்கப்படுகிற , நிராகரிக்கப்படுகிறவர்களின் தன்னைத்தானே
துன்புறுத்தி இன்புறும் நடவடிக்கைகளை எவ்வாறு அர்த்தப்படுத்திக் கொள்வது? இந்நடவடிக்கைகள் , பட்டினிப் போராட்டம் முதல் தற்கொலை வெடிகுண்டாக செயல்படுதல் வரை நீள்கிறது . மேற்கூறிய பார்வையில் , சாகும்வரை
உண்ணா
நோன்பிருப்பவர் , தனக்குத் தானே தீயிட்டு அழித்துக்
கொள்பவர் ,
அல்லது தன்னையே வெடிகுண்டாக்கி வெடித்து சிதறுபவரின் நடத்தையை எப்படி விளக்குவது?
இந்த அனைத்து நிகழ்வுகளிலும் தன்னைத் தானே துன்புறுத்தி இன்புறுபவர் எதிர்த்துப்
போராடுகின்ற அந்த மற்றமை என்பது அவரின் சொந்த சமூகக் குழுவின் - ஏற்கனவே குறிப்பிட்ட சிறப்புரிமை
பெற்றவர்களின்- மற்றமையாக இல்லை
.
மாறாக , இந்தத் தனியன்கள் கண்டுணர்ந்து
கொண்டுள்ள எதிரிகளின் மற்றமையாகவே ; ஒடுக்குபவரின்
மற்றமையாகவே ( Other ) உள்ளது. இருப்பினும்,
தன்னிலையின் தனிப்பட்ட அடையாளத்திற்கான இந்தவகைப் போராட்டங்கள் நடந்து கொண்டேதான்
இருக்கின்றன.
ஏனெனில் தன்னிலையின் கோரிக்கைகள் மீது அக்கறை
செலுத்தக்கூடிய சட்டங்களை உருவாக்குமாறு மேலாண்மை செலுத்துகிற மற்றமையைக் கடுமையாக
நிர்ப்பந்திக்க வேண்டியுள்ளது. இந்த மற்றமை , மேலாண்மை செலுத்துகிற மத, அல்லது
மதச்சார்பற்ற கருத்தியல் நடவடிக்கைளில் ஒரு கூட்டுப் புனைவுருவாக ( collective fantasy ) தொடர்ந்து
பிரதிநிதித்துவம் ஆகிறது ( .. this
Other is frequently represented by the practices of the dominant religious or
secular ideology as a collective fantasy ) ..... -தமிழாக்கம் : பிட்சு
பாராளுமன்றத்திலும்
சட்டமன்றத்திலும் ( குஜராத் ) ஒருநாள் கூட மோடி பேசியதில்லையாம் ! பின் எதற்கு
பாராளுமன்றமும் சட்டமன்றமும் ; கலைத்துவிட வேண்டியதுதானே .
மோடியும் அவரின் “
சிங்கி “ களும் மட்டுமே ஆளட்டும் .
எதிர்க் கட்சிகள்
ஏதாவது கோவில் சப்பரம் தள்ளட்டும் .
|
